«Արսենալի» կիսպաշտպան Անդրեյ Արշավինը իր հարցազրույցի ընթացքում պատասախանել է մի շարք հարցերին, խոսել իր տրամադրվածության մասին և ասել, թե որն է այն միակ ակումբը, որի կազմում նա երբեք հանդես չի գա: «Անժի» տեղափոխության մասին… «Չգիտեմ, թե որտեղից են մարդիկ նման ինֆորմացիա ստացել, և ով է նման բան հնարել: Ամեն դեպքում ես նախնտրում եմ չխորանալ դրա մեջ: Փաստն այն է, որ ես «Արսենալի» ֆուտբոլիստ եմ: «Անժին» ինձ ոչինչ չի առաջարկել և չեմ էլ կարծում, որ այսքանից հետո կառաջարկի: Մենք նույնիսկ չենք զուրցել դրա մասին»: «Զենիթ» տեղափոխվելու մասին… « Ես հիմա խաղում են այնտեղ, որտեղ ուզում եմ և որտեղ ինձ լավ եմ զգում: Եթե հեռանամ «Արսենալից», ապա իհարկե կտեղափոխվեմ «Զենիթ»: Բայց հիմա դրա մասին խոսելը շուտ է: Ես հիմա շատ պալաններ ունեմ կապված «Արսենալի» հետ»: Մադրիդի «Ռեալի» մասին... Եթե այս աշխարհում կա մի ակումբ, որի կազմում ես ոչ մի գումարի դիմաց չեմ խաղա, ապա դա «Ռեալն» է: Շատերն են զարմանում այդ փաստի վրա: Այդ ամենը գալիս է «Բարսելոնաի» հանդեպ եղած իմ համակրանքից», - ասել է Արշավինը:
|